Dieta Federala in Val Müstair

Program

10.45 cult divin ecumenic
11.10 grond cortegi da festa cun diversas societats da
costüm e musica, chars ornats e bes-chas
– passa 70 stands cun specialitats regiunalas
– differentas ustarias da festa
– trategnimaint musical
– program per uffants (ir a sella e metter sü bellet)
13.30 coro d’uffants
14.00 act festiv Dieta federala
– Marcus Caduff, cussagl guvernativ
– Gabriella Binkert, presidenta cumünala
– Rico Lamprecht, grond cussagl
15.00 teater 500 ons Stadi liber da las Trais Lias
«Spranza chi vegnan meglders temps!»
Il theater vegn preschantà eir marcurdi 2 october e venderdi 4 october, 17.00
17.00 fin da program

***

Teater SPRANZA CHI VEGNAN MEGLDERS TEMPS

scrit dad E. e M. Schleich
e giovà da las gruppas da teater da la Val Müstair

Rapreschantaziuns
marcurdi 2 october 2024, 17.00
venderdi 4 october 2024, 17.00
dumengia 6 october 2024, 15.00
dürada 30 min
Prà da festa, Valchava, entrada libra

Ün artichel i’l internet nomna il Stadi liber da las Trais Lias ün «giuvel». Davaira, quista lia, fatta avant 500 on, es alch unic, impustüt in vista als cumbats actuals per drets democratics. Ma tuot nun es or quai chi glüscha, ed uschè fa il giuvel eir sumbrivas. La Lia dal 1524 d’eira bainschi la basa per ün’uniun, ma per differents motivs nu pudaiv‘la garantir ne libertà ne pasch. Il Stadi liber da las Trais Lias nu d’eira perfet. Perquai voula adüna darcheu l‘ingaschamaint da til renovar, eir hozindi.
A quai less render attent il toc.

Las scenas
Il toc es concipà uschè cha scenas istoricas alterneschan cun discussiuns tanter ils giovaders, implü maina il redschissur cun spiegaziuns dad üna scena a tschella. La prüma scena istorica dà ün purtret da la misiergia davo la battaglia da Chalavaina. La seguainta giova in ustaria, ingio cha paurs discuorran sur da la dieta planisada a Glion. Davo as vezza al refurmatur da Cuoira, Johannes Comandar davo üna seguonda dieta da las Trais Lias, chi pretenda toleranza tanter las confessiuns. El rapporta in üna charta ad ün ami sur da la situaziun in Grischun. El manzuna eir aspets negativs sco agens interess o ir in guerra per pajais esters. Cha la toleranza invers quels chi d‘eiran dad oters avis, mancaiva listess, muossa ün’ulteriura scena, ingio cha ün sbir («Häscher») quinta d’ün’inquisiziun crudela. In chavazzins vain amo dat üna survista dals evenimaints i’ls duos prossems seculs. A la fin: Spranza chi vegnan megldes temps!

Cun
redschissur: Jachen Conrad
assistenta: Angela Ruinatscha
turist 1: Gian Ulrich Pitsch
turista 2: Corina Malgiaritta
duonna 1: Uorschla Rupp
duonna 2: Savina Hohenegger
hom 1: Urs Hartmann
hom 2: Jachen Andri Planta
hom 3: Fadri Conrad
hom 4: Dumeni Stupan
Comander: Marco Gilly
trumpetist: Chasper Stuppan

redschia Chasper A. Gaudenz
layout folias: Paul Comps
culissa e requisitas: Hans Tinner, Roman Conradin
tun, palc, tecnica: Centronics, Malans