Exposiziun speziala «allià e collià»

Exposiziun speziala a chaschun dal giubileum Stadi liber da las Trais Lias cun la collecziun «Stgazis grischuns»

A chaschun dal giubileum da 500 onns guarda l’exposiziun speziala «allià e collià» enavos sin il temp dal Stadi liber. Numerus objects istorics sco era documents scrits, visualisaziuns, contribuziuns da la populaziun da l’exposiziun ambulanta «Stgazis grischuns fan viadi» ed opiniuns da persunas expertas cumpletteschan l’exposiziun ed envidan ils giasts ad ina confruntaziun cun lur patria ed istorgia.