Atlas da
l’istorgia dal Grischun
1524-2024
Il Grischun n’ha betg mo 150 vals, 615 lais e 937 pizs, mabain era in’istorgia multifara cun bleras fassettas. Tge ch’è capità qua ils davos 500 onns, quai mussa l’ «Atlas da l’istorgia dal Grischun 1524-2024». E quest atlas mussa l’istorgia en il vair senn dal pled – cun numerus maletgs, graficas e cartas. L’atlas cumpara il settember 2024 e vegn festivà cun ina vernissascha.
Project
Co funcziunava la politica en il Stadi liber da las Trais Lias? Co era la natira avant 500 onns? E co ha la glieud vivì insumma durant ils davos tschintg tschientaners? Talas dumondas respunda il nov «Atlas da l’istorgia grischuna 1524-2024» cun numerusas illustraziuns.
Context
L’ «Atlas da l’istorgia dal Grischun 1524-2024» visualisescha 50 temas en ils secturs populaziun, ambient, economia, politica e cultura. El vegn edì en moda digitala ed en furma da cudesch, da retrair en tut las linguas chantunalas, da l’Institut grischun per la perscrutaziun da la cultura en stretga collavuraziun cun l’Archiv dal stadi dal chantun Grischun.
