Gieu auditiv «L’ultim dragun»
En il Stadi liber da las Trais Lias devi dapli creatiras che mo umans ed animals. Cronists da renum sco Durich Chiampell (1510-1582) u Nicolin Sererhard (1689-ca.1756) rapportan per exempel da draguns. Ina da questas creatiras anticas vegn ussa a pled: Il dragun dal Schwarzhorn. Il dragun ha vivì en la Val Sertig tar Tavau, documentà dal rimnader da ditgas Arnold Büchli (1885-1970). Qua è el vegni bandischà en in cuvel a la fin dal temp dal Stadi liber da las Trais Lias. Ussa returna el ed entschaiva a far sgols narrativs straordinaris.
Gieu auditiv «L’ultim dragun»
Tgi sa anc raquintar tge ch’è succedì en il Grischun dal temp dal Stadi liber da las Trais Lias? Perditgas da quel temp èn gia daditg mortas – cun excepziun dal dragun dal Schwarzhorn.
«L’ultim dragun»: cudesch auditiv a chaschun dal giubileum da «500 onns Stadi liber da las Trais Lias»
8 episodas per rumantsch, tudestg e talian.
Narratura: Ursina Lardi
Texts: Thomas Kaiser
Producziun: Lou/Zarra/Audioloft
Sgols straordinaris cun Ursina Lardi
Las regurdientschas e l’istorgia dal dragun vegnan raquintadas dad Ursina Lardi. L’actura grischuna, naschida il 1970 a Samedan, è creschida si trilingua e viva actualmain a Berlin. Ella lavura per il teater, film e la televisiun. Il 2017 ha ella survegnì l’anè Hans Reinhart, che vala sco il pli aut premi da teater da la Svizra. Il 2024 è ella vegnida onurada cun il premi da cultura da la citad da Cuira.
