500 onns
Stadi liber
da las Trais Lias
«Trais Lias per la vita», quai è il motto per il giubileum «500 onn Stadi liber da las Trais Lias». E viv daventi en tut il Grischun il 2024. Cun numerusas occurrenzas ans regurdain nus quest onn ch’ils signurs e las vischnancas da las Trais Lias èn sa unids il 1524 al Stadi liber da las Trais Lias.
Dietas
Cuira, Tavau e Glion èn ils lieus nua che las ‘Dietas’ vegnivan salvadas tradiziunalmain. Il 2024 vegnan vitiers novs lieus. Gia ussa èsi cler: grondas discussiuns e festas datti en tut las regiuns dal Grischun.
Gieu auditiv: «L’ultim dragun»
Il dragun dal Piz Gren duai avair gì differentas aventuras avant sia bandischun.
Il gieu auditiv raquinta en otg episodas la saga dal dragun grischun. Audituras ed auditurs fan in viadi istoric cun relaziuns cun il preschent dal Grischun actual.
Exposiziun ambulanta
In’istorgia – bleras fassettas
Durant l’onn da giubileum viagia in museum mobil tras il Grischun e tematisescha da maniera multifara e nunspetgada l’istorgia e la cultura grischuna. En ses viadi tras las valladas rimna il mini-museum objects preferids da Grischunas e Grischuns e daventa uschia ina trucca da stgazis mobila.
Cudesch «La Brev da Federaziun dals 23 da settember 1524»
La reuniun da las Trais Lias è vegnida documentada en ina Brev da Federaziun l’onn 1524. Quest document vegn ussa – en il rom dal giubileum Stadi liber da las Trais Lias – edì da l’Archiv dal stadi dal Grischun en tut las trais linguas chantunalas. L’ediziun dal text original vegn accumpagnada d’ina versiun en lingua moderna e d’ina preschentaziun istorica, er quella en tut las trais linguas chantunalas.
Teater al liber «1524»
Il cumenzament dal temp modern muventa er las Trais Lias. Il mercenariat ambivalent, la pussanza sur la Vuclina, il svilup da la refurmaziun e la cuntraversa cun las grondas pussanzas estras promovan la fusiun da las Trais Lias e pussibiliteschan ad ellas da defender lur agens interess. L’epoca turbulenta vegn exprimida en in nov, grond teater al liber che Origen realisescha sin la planira auta da Lantsch.
Occurrenzas
Art u culinarica? Concert u excursiun? Il giubileum «500 onns Stadi liber da las Trais Lias» vegn accumpagnà da numerusas occurrenzas. Davart quellas occurrenzas vegn infurmà qua cuntinuadamain.
Atlas da l’istorgia dal Grischun 1524-2024
Co è il Grischun sa sviluppà ils davos 500 onns? Quai muss il nov «Atlas da l’istorgia dal Grischun 1524-2024» – e quai da maniera viva: 50 temas relevants per la vita vegnan visualisads cun cartas, maletgs e graficas.
Arranschament didactic «Sin ils fastizs da las Trais Lias»
Il giubileum «500 onns Stadi liber da las Trais Lias» rinforza la schientscha istorica en il Grischun surora l’onn da giubileum per propi. Generaziuns futuras profitan d’in arranschament didactic «Sin ils fastizs da las Trais Lias» en il nov med d’instrucziun digital e pluriling: «InVista Grischun».
