Di da rimnada da stgazis
Bainvegni al di da rimnada da stgazis!
Has ti in object che ti collias cun il Grischun/cun patria? Porta quel tar nus per daventar part da l’exposiziun «Stgazis grischuns fan viadi»!
Dis regiunals da rimnada da stgazis
Las datas dals dis da rimnada da stgazis regiunals èn da chattar en il program accumpagnant dal lieu correspundent.
In stgazi grischun è in object persunal che ti collias cun il Grischun u cun la patria. Porta tes stgazi in di da rimnada da stgazis, e nus exponin quel en il container d’exposiziun (uscheditg ch’igl ha anc plazza). Uschia daventas ti part da l’exposiziun ambulanta «Stgazis grischun fan viadi».
Tes stgazi grischun vegn preschentà en il container da l’exposiziun. L’atun 2024 vegn el schizunt expost en il Museum retic a Cuira. Suenter l’exposiziun en il Museum retic a Cuira sas ti puspè ir per el là.
Grondezza
El sto avair lieu en nossas vitrinas e dastga avair ina grondezza maximala d’in fegl A3 (dus fegls A4). Ultra da quai na duess el betg avair ina profunditad che surpassa ina lunghezza d’in maun. Objects pli pitschens èn era bainvegnids.
Stabilitad
Tes stgazi duess esser stabil avunda per il transport.
Stadi
Objects che van en mal e tals en in stadi nausch na pudain nus deplorablamain betg prender cun nus en viadi.
La direcziun da project resalva da refusar objects.
Nus rimnain stgazis per documentar la varietad e la muntada dals objects che umans collian cun il Grischun. Quests objects raquintan istorgias davart la cultura, tradiziuns e la vita quotidiana en las regiuns. Cun rimnar ed exponer quests stgazis savain nus render visibla ed accessibla l’ierta culturala dal Grischun a la publicitad.
