Poetry Slam
Contest
Lingua viva – pir da dretg en il Grischun, l’unic chantun triling da la Svizra. Durant l’onn da giubileum 2024 dattan giuvenils agens pleds a l’istorgia ed al temp preschent dal Grischun – e quai a chaschun da Poetry Slam Contest captivant.
Project
Il 2024 survegnan giuvenils la pussaivladad da s’occupar cun l’istorgia grischuna e cun la furma d’art da «Slam Poetry». Els vegnan accumpagnads d’in coach professiunal e fan part al Contest.
Coach
Jachen Wehrli (poet da slam, autur, cabarettist), oriund da Cuira fa gugent sguzias cun pleds al public. Dapi insaquants onn è el sin tribuna en l’entira Svizra e fascinescha la scena d’art da tribuna pitschna cun texts plain acrobatica da pleds, raquints realistics e programs umoristics. Sia gronda passiun è la Slam Poetry. Dar vinavant quest entusiassem a giuvenils ed envidar il fieu per il pled discurrì, quai al motivescha. Jachen ha ina stretga relaziun cun ses chantun d’origin ed è superbi dad esser in Grischun. Quai sentan ins, audan ins e vesan ins cura che Jachen rockescha la tribuna.
L’istorgia dal Grischun è captivanta e da gronda muntada per nossa existenza. Ensemen pachetain nus questa istorgia en texts che fascineschan il public. A chaschun da workshops regiunals emprendas ti a scriver texts ed a performar quels sin tribuna. En las qualificaziuns preliminaras ta mesiras ti en concurrenza cun ulteriur(a)s participant(a)s. Il meglier u la meglra da mintga regiun fa part al grond final. Ultra da la grondiusa experientscha datti era premis fantastics. Ademplescha las premissas e t’annunzia ussa.
Formular d’annunzia